Shillong, Nailur:
Ka Utkarsh Small Finance Bank Limited (“USFBL” lane ka “Bank”), ka la pynbna ïa ka jingpyllait paidnah ïa ka jingshakri kaba thymmai, ka ban wanrah ïa ka jingkylla ha ka rukom sei pisa.
Ka Utkarsh Small Finance Bank ka trei tyngeh ban wanrah ïa ki jingtyrwa kiba biang, kiba treikam katkum ki bor teknoloji, kiba ïahap bad ki nongbuh pisa ka ban lam pat sha ka jinglah ban shaniah, ka jingkiew, kaba ïaineh, ka ban wanrah ruh ïa ka jingkylla ha ka imlang sahlang.
Ka Bank ka sngewbha ban pyntip ïa ka jingpyllait paidbah ïa ka jingshakri jong ka Interoperable Cardless Cash Withdrawal (ICCW) ka ban pyndonkam ïa ka UPI (Unified Payments Interface) ha baroh ki jaka ba pyntreikam ïa ki ATM jong ki.
Ka jingtyrwa jong ka ICCW ka pynkup bor ïa ki nongbuh pisa ha bank kiba pyndonkam bha ïa ki UPI ba kin lah da kaba suk ban sei pisa na ki Utkarsh Small Finance Bank ATM kiba la buh ban treikam na ka bynta ka UPI-ATM – ICCW, khlem da donkam shuh ïa ki Card sei pisa ne ki Debit Card.
U Govind Singh, Managing Director jong ka Utkarsh Small Finance Bank, u la ong, “Ngi khmih lynti ban ïohi ba ka lawei ha kaba ka ICCW kan long kaei kaei kaba ki briew ki lah ban shaniah ha ki kam kiba ïadei bad ka bank ha kane ka juk stad ba mynta, bad ka ban pynsuk haduh katta katta ïa ka pisa pilaiñ.”
