Jowai, Nailur 27
Uwei u briew ïa uba la tip kyrteng kum u Bah Chibor Pyrtuh u la mynsaw jur na ka bynta ka kjat kamon namar ka jingshah ïuh kali kaba la jia hakhmat ka ophis treikam u DC, Jowai ha ka Sngi Balang.
Kane ka jingjia ka la jia ha ka por kumba 12:30 eiei mynsngi, ha kaba kawei ka trok kaba kit khaw kaba wan na Shillong bad thmu ban leit sha Amlarem haba la poi ha katei ka jaka ka la kum ïuh ïa une u briew na ka bynta ka kjat. Kane ka trok dei kaba don ïa u number ML10-C-1728. La ïathuh ba mar mar la pynkit ïa une u briew sha Woodland WK Hospital bad hadien la pynkit noh sha sor Shillong ban pynïoh ïa ka jingsumar kaba paka.
