Shillong, Nailur:
U President ka UDP Mawphlang Circle uba dei ruh ha kajuh ka por u MLA ka Mawphlang konstitwensi, Bah Beyondstar Kurbah u la pyntip ba un lum shwa ïa ka Executive Committee jong ka UDP Mawphlang Circle bad hadien kata yn sa pynbna ban wad kyrtong ban ïakhun ïa ka ilekshon MDC ha u snem 2024.
Ha kine khyndiat sngi ka la mih ka khubor ba u Bah Beyondstar Kurbah un ïakhun hi ïa ka ilekshon MDC lada ym don ba pan tiket. Hynrei ha kawei ka liang u la kyntait namar u khlem ong ïa kane kumba la mih khubor. Kumta u la pyntip ba ïa ka ilekshon MDC un sa khot ïa ka EC jong ka UDP Mawphlang Circle ha kine ki sngi bad ynda la shong ïa ka committee yn sa pynbna ban khot ïa ki kyrtong kiba kwah ban pan tiket na ka UDP na Mawphlang Diengiei konstitwensi.
