Shillong, Nailur 29
U Bah Justin Sohphoh uba don 54 snem ka rta u la jah naduh ka 16 tarik mynta u bnai na ka shnong Akonggre, Tura ha ryngkat ka kali kaba don ïa u nombor ML-05 Y 7258 (i.20) kaba dei ka kali shimet.
Katkum ka jingïathuh ka kurim, ha ka 16 tarik mynta u bnai ha ka por 6 baje janmiet eiei u la leit theh umphniang na petrol pump bad um shym la wanphai ïing shuh.
Na ka liang ka kurim ka la phone noh sha ka khun jong u sha Shillong ïoh lehse u la wan sha Shillong hynrei um shym poi satia. Kumta ha ka 19 tarik mynta hi u bnai ki bahaïing na Sakwang, South West Khasi Hills District ki la leit sha Tura ban wad jingtip, hynrei ym shym la lapdien.
Ha ka 20 tarik mynta hi u bnai ka kurim lem bad ki khun jong u ki la leit ai da ka ejahar sha Tura Police Station hynrei haduh mynta ym shym la lapdien shuh.
Kumta na ka liang ka kmie, ki hynmen, para, ka kurim bad ki khun ki dang ap kyrmen ïa ka jingwanphai ïing. La kyrpad ruh lada don kino kino kiba ïohi kin sngewbha ban phone ha kine nombor 9863389561, 6909030952, 9436363922.
Kane ka long katkum ka kyrwoh ba la phah da u Bah Poland Sohphoh uba dei u Rangbah Kur Sengkmie, Meghalaya, Shillong.
