Shillong, Nailur:
Ka Seiñ Raij Ñiamtre Shillong hynne ka sngi ka la plie paidbah ïa ka jaka shong lane ka Sitting Gallery kum ka dak jingsah kynmaw ïa ka Kong Chanka War kaba la khlad noh bad ka jaka buh shyieng lane ka Mootylleiñ kaba la long ha Kambel Shullai Eco-Friendly Crematorium Jaïaw Mihngi, Shillong.
Ha katei ka sngi u kongsan u dei u Wh. Puramon Kynjiñ, Dolloi Elaka Jwai bad la ïoh ïa ka jingkren pdiang burom na u President, u Wh. Joining Pde, ka jingkren na u General Secretary, u Dr. O. Kyndiah, u Kñi Yong War, u Kñi M.B. Kyndiah bad ka Ngooh Blai na u Kñi Knermiki Passah.
Shuh shuh ka la don ruh ka jinglehñiam lehrukom kum ka dak ka jingkynmaw ieid ïa kito kiba la khlad noh na kane ka sla pyrthei ba la leh da u Pa Dolloi Elaka Jowai bad ki Khatsoo Kñi bad ki Kñi jong ki Kur ba lah buh shyieng ha Shillong.
