Shillong, Risaw 02
U Rikman Momin uba dang shu shah thung shen kum u President bathymmai ka BJP ha Meghalaya un shimti ïa kane ka kam ha ka Sngi Ba-ar.
Ka BJP sengkmie na Delhi ka la thung ïa u Rikman kum u President ka BJP ha Meghalaya ha ka jaka u Bah Ernest Mawrie.
U Rikman un shimti kum u President bapura ka BJP ha Meghalaya ha ka jingïalang pdiang burom ka ban long ha shlem treikam ka BJP ha Shillong ha ka por 1.30 baje nohphai sngi.
Haba ïakren lyngba ka phone bad u Rikman, u la ong ba un nym pat kren ei ei ïa mynta hynrei un sa kren beit ha ka sngi ba shimti kum u President ha kaba un sa kren ruh sha ki lad pathai khubor.
Ka BJP Meghalaya ka la pynkhreh na ka bynta ka jingshimti u President bathymmai ha kaba yn don ruh ka jingïalang jong ki dkhot ka BJP ha ka Sngi Ba-ar.
U President barim, Bah Ernest Mawrie ruh un sa donlang ha kane ka sngi lem bad kiwei kiwei ki nongkitkam ka BJP.
