Shillong, Risaw 03
Ki pulit ha ka janmiet jong ka Sngi Ba-ar ki la ïoh ban pyllait noh ïa ar ngut ki nongjngoh kai pyrthei kiba la jah lynti ha ka por ba ki la leit ban ïaid shapoh ka riat jong ka kshaid Nohkalikai.
Kine ar ngut ki nongjngoh kai kiba la jah lynti ki dei kiba la tip kyrteng kum ka Avani Soni bad u Abhishek Jamwal kiba dei na Vasna Road, Vadodora, Gujarat.
Ha ka kyrwoh khubor, u Superintendent of Police jong ka East Khasi Hills u la ïathuh ba ha ka janmiet jong ka Sngi Ba-ar, ki pulit na thanat Sohra ki la ïoh ïa ka jingtip na ka NERS ba ar ngut ki nongjngoh kai ki la jah lynti shapoh ka riat jong ka kshaid Nohkalikai.
U la ong ba na ka liang ki pulit ka Sohra mar ïa ïoh jingtip, mar-mar ki la mih hapoh ka jingïalam jong ka Women Police Sub Inspector ka Vandana Diengdoh ban leit wad bad ha kaba ki la ïoh ban pyllait bad ban wan ïalam noh sha Sohra.
