Shillong, Risaw 04
Ka Jylla Niam (Diocese) Jowai ka la pynpaw ïa ka jingsngewnguh ïa U Blei Trai Kynrad Uba da ka jingsbun bad da ka jingkyrkhu jong U ka jingpynkyntang Lyngdohsad (Bishop) ïa u Rt. Rev. Ferdinand Dkhar ha ka 1 tarik Risaw, 2023 ka la long kaba jop.
Ha u kyrwoh khubor, u Lyngdohsad ka Jylla Niam Jowai ryngkat bad u Rev. Fr. Martin Shylla, Chairman ka Episcopal Ordination Committee, ki la pynpaw ïa ka jingsngewnguh ïa u Most Rev. Victor Lyngdoh, Archbishop ka Shillong Archdiocese i ba long i Nongkñia Rangbah bad i ba la pyndep ïa ka niam ka rukom jingpynkyntang Lyngdohsad ha katei ka sngi.
Ki la pynpaw ruh ka jingsngewnguh ïa u Msgr. Juan Pablo Cerrilos Hernandez, Deputy Head of Mission i ba long nongsakhi ha katei ka sngi bad kumjuh ruh ïa baroh ki Archbishop, Bishop, Auxiliary Bishop, Emeritus Bishop, Superior General, Provincial, Lyngdoh Sohblei, Dikon, ‘riew niam Kynthei bad Shynrang, Catechist, nongtrei Balang bad baroh ki paid U Blei ka Jylla Niam Jowai.
Nalor nangta ki la pynpaw shuh shuh ka jingsngewnguh ïa ki Waheh Chnong/Secretary Chnong bad ka dorbar chnong jong ka Ummulong, Moodymmai, Wahïajer, Mookyndur, Tyrshang, Mukhla kumjuh ruh ïa i Pa Daloi Ma Puramon Kynjiñ jong ka Elaka Jowai, ïa ki Volunteer kiba la ïarap ha ki jaka bad ki bynta bapher bapher.
La pynpaw ruh ka jingsngewnguh ïa ki Pastor, ki Tymmen Basan jong ka Balang Presbyterian, ki nongïalam jong ka Church of God Ummulong, Seventh Day Adventist Ummulong, Niamtre Ummulong, bad ïa baroh ki nongshong shnong jong ka shnong Ummulong.
Ka jingsngewnguh ruh ka leit sha u Myntri Rangbah ka Meghalaya, u Conrad K. Sangma, MP ka Shillong, u Ma Vincent Pala, Symbud Myntri Rangbah, Bah Sniawbhalang Dhar, Myntri Sorkar, MLA, MDC, DC ka West Jaiñtia Hills, Bah B.S. Sohliya, ki ADC ka West Jaiñtia Hills, Superintendent of Police ka West Jaiñtia Hills, u Bah C. Syrti, OC ka Ummulong Outpost, BDO ka Thadlaskeiñ Block, ki heh ka PHE bad PWD, Doctor, Nurse ka Ummulong CHC, nongtrei ka St. Aloysius Hospital bad JDHS Healthcare.
Nalorkata, ki la pynpaw ka jingsngewnguh ïa kiba ai jingïarap bad ki nongleh bha kiba la ïarap ban kyrshan ha ki bynta bapher bapher ban pynlong ïa katei ka sngi kaba jop.
Khatduh khatwai, la pynpaw ka jingsngewnguh ïa Ka Episcopal Ordination Committee bad ki Sub-Committee bapher bapher bad khamtam ïa ki paid riewngeit ka Parish Ummulong.
