Shillong, Risaw:
Ka Federation of All School Teachers Of Meghalaya (FASTOM) ka kynhun ki nonghikai skul ‘Adhoc’ kan pynlong ïa ka ‘General Meeting’ lane ka jingïalang paidbah ha ka 7 tarik mynta u bnai ha madan New Nongstoiñ, Madan Phutbol (Opp.Office E.E PWD(Roads) Nongstoiñ Division) ha ka por 11.00 baje mynstep. Ka jingpynrung kyrteng kan sdang naduh ka por 9.00 baje mynstep.
Kane jingïalang paidbah ka long kum ka jingpynkhreh jong ka seng ïa ki jingïakhih ba tyngeh nangne shakhmat lada ka Sorkar ka ïai sngap mynthi ban pynurlong noh ïa ki jingdawa ban kyntiew kyrdan ‘Deficit’ noh ïa baroh ki skul ‘Adhoc’ ha ka Jylla.
Kumta ka FASTOM ka khot sngewbha ïa baroh ki nonghikai skul ‘Adhoc’ naduh L.P. haduh Higher Secondary ban pyllait por khnang ban wan sha katei ka jingïalang khnang ba ki jingkhmih lynti bad jingangnud jong ka seng kan long ka ba jop. Kane ka long ka kyrwoh na u Publicity Secretary ka FASTOM, Sengkmie.
