Shillong, Risaw 05
Ki shipai ïada khappud Border Security Force (BSF) ha ka Sngi Balang ki la ïoh ban kurup noh haduh 74 tylli ki masi kiba dang thmu shalan tuh sha Bangladesh.
Ïa kine ki masi la ïoh kurup da ki shipai jong ka 4th & 193rd Battalion BSF hadien ka jingpynlong talasi kaba jur da kitei shipai. Hadien kata ïa kitei masi la aiti noh sha ki pulit na ka bynta ban leh ïa kaba donkam.
Na ka liang jong ki shipai BSF kiba la peitngor ha khappud, ki la ïai bteng ban pyrkhing bad talasi kaba jur ban tehlakam ïa ka jingkhaïi beaiñ sha Bangladesh.
Mynta u snem, kata haduh une u bnai, na ka liang jong ki BSF ki la ïoh ban kurup palat 2500 tylli ki masi kiba thmu ban shalan tuh sha Bangladesh.
