Shillong, Risaw 06
Ki pulit ka Ri-Bhoi ha ka Sngi Palei ki la ïoh ban kurup ïa ka ksiar kaba khia 826.31 gram bad la kem ruh ïa arngut ki briew, kynthup kawei ka kynthei.
Haba pyntip ïa kane ha ka rynsan ‘X’ ha ka Sngi Thohdieng, u Myntri Rangbah, Conrad K Sangma, u la ong ba ki pulit ka Ri-Bhoi ki la lah ban khanglad ïa ka jingdie ïa ka ksiar be-aiñ ba la pynïaid tuh na Meghalaya. Kane ka ksiar ba la kurup ka kynthup ïa 7 tylli ki biskit ksiar. U Conrad u la ong ba ka sorkar kan ïai ïakhun pyrshah ïa ki kam be-aiñ bad ki jingeh kin ym pynkynrandien satia ïa ki pulit.
