New Delhi, Risaw 09
Ka Election Commission of India (ECI) ha ka Lah Sngi U Blei ka la pynbna ïa ki tarik ban pynlong ilekshon ha san tylli ki jylla – Madhya Pradesh, Chhattisgarh, Rajasthan, Telangana bad Mizoram.
Ka jingthep ‘vote’ ban jied ïa ki nongthawaiñ ka jylla Madhya Pradesh kan long ha ka 17 tarik Naiwieng, 2023, ha Rajas -than ha ka 23 tarik Nai-wieng, 2023 bad ha Telangana ha ka 30 tarik Naiwieng, 2023. Ha Mizoram, ka ilekshon kan long ha ka 7 tarik Naiwieng, 2023.
Hynrei ha Chhattisgarh, ka Election Commission ka la pynbna ba ka ilekshon kan long ha ki ar bynta, kata, ha ka 7 tarik Naiwieng, 2023 bad ha ka 17 tarik Naiwieng, 2023.
Ïa ka ‘result’ jong ka jingthep ‘vote’ ha kitei san tylli ki jylla yn pynbna ha kajuh ka sngi, kata, ha ka 3 tarik Nohprah, 2023.
La antad ba ha kitei san tylli ki jylla, ki nongthep ‘vote’ ki don haduh 16.1 klur ngut, bad ïa kine ki ilekshon la kheiñ ba ki long kum ka ‘semi-final’ hashwa ba ki paidbah kin jied ïa ki MP ka Lok Sabha ha u snem ban wan.
Ka Madhya Pradesh ka don 230 tylli ki konstitwensi, Chhattisgarh ka don 90 tylli, Rajasthan ka don 200 tylli, Telangana ka don 119 tylli bad ha Mizoram ki don 40 tylli.
