Shillong, Risaw 10
Ka tnad shipai Indian Army ka la pynbna ba ka ‘Recruitment Rally’ na bynta ki kyrtong ka Meghalaya kiba la shah jied sha ka thup kyrteng hadien jong ka Common Entrance Examination (CEE) kaba la long ha u Ïaïong mynta u snem kan sa long ha Manekshaw Stadium, 58 GTC, Happy Valley, Shillong ha ka 5 bad 6 tarik u Naiwieng, 2023.
Ka ophis PRO ka tnad ïada ri ka la maham ïa ki kyrtong ban ym shah khring ha ki jingkular thok ne ngop ha kino-kino ki jingpynbiej naba ka jingjied kan dei beit thik ïa kito katkum ka jingtbit bad kito kiba ïakynduh ïa kiba kam bad pyrshang thied da ka jingtyrwa ban ai jingïarap haba ïadei bad kane ka bynta, la kyrpad ban pyntip sha ka tnad treikam shipai kaba jan tam ne Headquarter Shillong Police Station ne Army Recruiting Office, Shillong.
Ha kajuh ka por, ka ophis ka la ai jingmut ruh ïa kito kiba shah jied sha ka thup kyrteng ki bym pat ïoh ïa ka ‘admit card’ ban leit sha ka Army Recruiting Office, Shillong lyngba ka ’email’:- [email protected] ne ban kynjoh lyngba ka kor kren (phone) ha u nombor – 0364-2504177 na bynta kino-kino ki jingpynshai haba ïadei bad ka jingïashim bynta jong ki ha katei ka ‘Rally’.
Yn shah ïa ki kyrtong ban ïashim bynta ha ka ‘Rally’ tang lada ki don ïa ka ‘Admit Card’.
