Shillong, Risaw 11
Ka Meghalaya State Disaster Management Authority (MSDMA) kan sa pynlong ïa ka ‘State Level Mock Exercise’ ha ka Sngi Palei (12 tarik Risaw) naduh ka por 9 baje mynstep.
Ïa kane ka ‘Mock Exercise’ yn pynlong lang ha kajuh ka por ha baroh ki distrik jong ka Jylla.
Kane ka ‘Mock Exercise’ ka dei ruh ka jingpynbud ïa u jumai jong u snem 1897 bad yn ïashim bynta da ki ophisar ka distrik, tnad ïada, ‘Paramilitary’, NDRF, SDRF, pulit, pulit pynlip ding, aspatal, skul, kolej, NGO, dkhot ka imlang-sahlang, ‘Volunteer’ na ki kynhun seng bapher-bapher kum ka Bharat Scouts & Guides, Indian Red Cross Society, NSS, Aapda Mitra Volunteer bad kiwei-kiwei.
Ki dkhot ka National Disaster Management Authority (NDMA) kin ïadonlang bad khmih bniah ïa ka jinglong-jingman jong ka ‘Mock Exercise’ da ka Jylla bad ki ophisar ka distrik lem bad kiwei-kiwei ki kynhun.
Haba ïadei bad kane ka ‘Mock Exercise’ ha kiba bun ki kynhun ïarap, kali kit nongpang bad kiwei-kiwei kin ïashim bynta, ka State Disaster Management Authority ka la ai jingmut ïa ki paidbah ban ym khih khuslai bad ban ïatreilang bad kine ki jingpynbeit ka Sorkar kumjuh ban pyrkhat bha ïa ka leit ka wan khnang ban lait na ka jingsahkut kali.
Ha Shillong, kum shi bynta ban sdang ïa katei ka ‘Drill’, yn pynsawa ïa ka ‘siren’ da u Deputy Controller, Shillong ka ban long kum ka jingai dak ba u jumai u la khie bad ki jaka ba la pynithuh na bynta ka ‘Mock Exercise’ kin kynthup ïa ka Polo bad ka lynti na Polo sha Wahingdoh, Polo Super Market, ki dukan ha kylleng ka thaiñ Polo, Hotel Polo Towers, ïingmala ka SBI, Polo bad MeCEL, Lumjingshai, Samkhamti Petrol Pump, Urkaliar, Female Health Worker, School of Nursing bad School of Nursing, TTC, Ganesh Das Government Hospital, Lawmali, St. Xavier’s School, Polo Pynthorumkhrah Golflink Secondary School bad Shillong Secondary School, Forest Colony.
Yn pynïeng ïa ka Incident Command Post, Medical Camp, Staging Area, Relief Camp, Base Camp ha jaka pynïeng kali ka SRGT bad ka jaka ba kylluid hakhmat ka 3rd Ground, Polo.
