Jowai, Risaw:
Ka Nartiang Rural Haat/Market Complex kaba don ha ïew Nartiang la plie ïa ka da u Doloi ka Elaka Nartiang u Salong Lamare ha ka jingïalang kaba la long mynta ka sngi.
Ïa kane ka ïing ban pynlong ïew la shna da ka jingkyrshan ka National Bank for Agriculture bad ka Rural Development (NABARD) hapoh ka Off Farm Development Funding.
Ïa ka jingtrei la pyntrei da ka Meghalaya State Rural Livelihoods Society (MSRLS) bad la ïarap pisa ruh da ka Nartiang Village Organisation SHG bad la kyrshan ruh lyngba ka MNREGA (BDO, Thadlakseiñ) kiba la ïatreilang ban shna ïa ka surok ban poi sha kane ka ïew ryngkat ka lynti iaid kjat.
Ha kane ka sngi la donlang u G.N. Kharlukhi, u Lalrokunga Chhakchhuak, Assistant General Manager(s), NABARD, u Dr. B.Plain, SMM ka MSRLS, u Secretary ka Seiñ Raij Nartiang, ki dkhot ka Village Organisation, ki dkhot SHG bad kiwei kiwei kiba don bynta.
Ïa kane la ïew la aiti sha ka shnong ha ka jingdonlang ki nongkitkam shnong bad la kyntu ïa ki ban sumar ïa kane ka jaka ka ban ai jingmyntoi ïa ki SHG, ki nongrep, ki nongshna nongthaiñ tiar bad ïa ka shnong ka thaw hi baroh kawei.
