Shillong, Risaw 15
Hadien ba ka jingpyni nam ïa ki jaiñ Ryndia ha ka lympung G20 International Crafts Bazar, ka tnat Textiles jong ka sorkar Meghalaya, da kaba ïatreilang bad ka NEHHDC (North East Handloom & Handicraft Development Corporation) ki la sdang ïa ka “pilot project” halor ka “Digitalization of Handloom” ha ka Umden – Diwon Eri Silk Village.
Ha kane ka sngi la don lang u F. R. Kharkongor, IAS, Commissioner & Secretary, Textiles, u R. K. Singh, Managing Director ka NEHHDC, ki nongthaiñ jaiñ na kaeti ka shnong bad na kiwei ki bynta jong ka Ri-Bhoi District, Weaver Association, Voluntary Organization (VO), ki heh ka tnat Textiles, nongïalam shnong bad ka kynhun NEHHDC.
Haba ai jingkren, u Bah F. R. Kharkongor u la ban jur halor ka jingdonkam ban khleh lang ka technology bad ka rukom trei rukom ktah kaba la neh naduh hyndai hynthai. U la ïathuh ba dang shen u la ïoh khubor na Delhi ba ki don ki briew ki bym dei na kane ka jylla kiba la sdang ban leh thok da kaba pyrthuh bud bad kam ba ki mar kiba ki die ki dei ki ryndia na Meghalaya. U la ong ba kita ki briew ki la die ïa kita ki jaiñ ba ki la kam ba ki dei ba la shna da ki ñiang ryndia ba paka na Meghalaya hapdeng 19,500 haduh 24,000 ha Delhi.
U Bah Kharkongor u la ong ba ka da ka jingwanrah ïa ki kor ki bor ba la pynïaid da ka Artificial Intelligence (AI), yn pyndait da ki QR Code ha ki jañ ki ban ai jingtip lut nadong shadong shaphang kita ki jaiñ bad ki ban pynshisha ba ki dei ki jaiñ ryndia na kane ka jylla. U la pdiang sngewbha ïa ka jingïatreilang jong ka NEHHDC kum ka shlem ban ïarap ban wanrah ïa kine ki kor ki bor ha ki jaiñ ryndia namar kan ïarap ruh ïa ki nongdie ba kin tip shaphang ki jaiñ ba ki thied. U RK Singh u la pdiang sngewbha ïa ka jingïatreilang bad ka tnat Textiles bad u la ïathuh ba ka don ka thong ban ïarap ïa kumba 10,000 ki kor thaiñ jaiñ ha kane ka thaiñ
