Shillong Risaw 16
Ban lap ïa ka daw halor ka jingpluh ba shyrkhei ha Thana Road ha Khyndai Lad la thung da ka jingtohkit majistor ka ban khlieh da u Additional Deputy Commissioner (ADC) ka East Khasi Hills district, u Bah R. Wahlang.
Ka tyllong khubor ka ïathuh ba kane ka jingtohkit kan phah ïa ka kaiphod hapdeng 10 sngi halor kane ka jingpluh kaba la jia ha ka 14 tarik mynta u Risaw.
Haduh mynta ym pat tip ïa ka daw tynrai jong ka jingpluh bad lyngba ka jingtohkit majistor yn sa wad ïa ka daw kaba pynlong ban jia ka jingpluh.
Ha kane ka jingjia uwei u briew u la khlad na ka daw ka jingjur ka tdem ding ha ka sngi ba jia ka jingpluh.
Ha kawei ka liang, la pan jingïarap na ka NIT Guwahati ban batai bniah haduh katno kane ka ïing dewbilat kaba la shahktah ha ka ding kan dang long kaba khlaiñ. Ka NIT kan khmih bniah la kane ka ïing ka dang long ne em kaba shngaiñ bad lada ym don jingshngaiñ shuh, yn hap hukum ban pynpra noh shisyndon khnang ban lait na ka jingma ïa kiwei pat ki ïing bad ki briew kiba don ha syndah jong kane ka jingtei.
