Shillong, Risaw 18
Ka Meghalaya High Court ha ka Sngi Balang ka la pynpaw ba ïa kiba bun ki lynti ïaid kjat la klun noh da ki briew kiba die jingdie ha madan bad namarkata, ki paidbah ki la hap ban ïaid ha ki surok.
Haba shong bishar halor ka mukotduma kaba ïadei bad ka jingkhapngiah ka sor Shillong, ka ïingbishar ka la ong watla ka sorkar ka la pynpaw ïa ki saiñdur kiba shyrkhei, ka jinglong jingman bad ka jingshisha pat ka long kaba itriem bad kam don ka jingkylla naduh ba la shong bishar ïa kane ka mat.
“Ha ka jingshisha, ïa kiba bun ki lynti ïaid kjat, la klun da ki nongdie jingdie ha madan, bad kane ka la pynbor ïa ki paidbah ba kin ïaid kjat ha surok kiba la khapngiah lypa ban long ki kali ban ïaid khlem jingthut. Ïa kane, la ban ïohi naduh na Laitumkhrah ha Shillong,” la ong ka High Court.
Na ka liang ka High Court ka la bthah ïa u nongmudui bad kiwei ban peit bniah ïa ka kaiphod ba la ai da ka sorkar bad ban kdew ïa ki jingduna.
La kyntu ïa ka sorkar jylla ba kan pynmih ïa ki buit bad ki lad ki lynti ban pynduna ïa ka dheng kali ha nongbah.
