Khliehriat, Risaw 18
U Deputy Commissioner (DC) ka East Jaiñtia Hills District u la wer ïa ki samla pule kiba thymmai bad kiba pynthymmai (Fresh & Rene -wal Application) kiba dei ki nongshong shnong ba pura ka Meghalaya kiba pule hapoh ka jylla bad kumjuh shabar ka jylla na ka bynta u snem 2023-24, ban ïoh ïa ka North Eastern Council Merit Scholarship na ka bynta ki samla pule kiba dang pule ha ki Diploma, Degree, Post-Graduate lane M.Phil/Ph.D course na kino-kino ki shlem pule ba la pynrung kyrteng bad ithuh da ka sorkar.
Ki samla pule ki dei ban rah lang ïa ka PRC ba la ïoh na ki Deputy Commissioner nalor kiwei pat ki kot ki sla ba donkam katkum ka jingkdew ba la pynmih, bad la bthah ruh ba kin pule bniah katkum ïa ki kyndon kane ka skhim ha shwa ba kin pyndap ïa ki aplikeshon lyngba ka online.
Ki samla pule ki ban ïaleh thymmai ne Fresh ki dei ban leh da ka online lyngba ka website www.scholarships.gov.in. Katba ki samla pule kiba pynthymmai ne renewal application form na ka bynta ki Merit Scholarship ki lah ban download da kaba leit lyngba ka https://megeducation.gov.in/dhte/pages/scholarship_forms.html
La khot aplikeshon ruh ïa ki samla pule kiba dei ki nongshong shnong bapura ka Meghalaya na ka bynta u snem 2023-24, kata na ka bynta ka Central Sector Scheme of Scholarship na ka bynta ki samla pule kolej bad skul bah (fresh bad renewal) ïa kaba yn ai da ka Ministry of Education, Department of Higher Education, ka Sorkar India.
Ïa ki aplikeshon form na ka bynta ki samla pule dei ban phah lyngba ka online lyngba ka National Scholarship Portal (NSP), www.scholarships.gov.in
Ka tarik khatduh ban phah ïa ki aplikeshon na ka bynta baroh kitei ar tylli ki scholarship ba la kdew kan long ha ka 31 tarik u Nohprah 2023.
Ïa ki jingtip ba kham bniah bad halor ka jingleh ban aplai nalor kiwei pat ki samla ki lah ban leit lyngba ka website www.scholarships.gov.in.
