Shillong, Risaw:
Ka Amazon India ka la sakhi ïa ka jingthied jingthied kaba heh tam ha ki 48 kynta ha kaba ka jingdon ki nongthied ka la kot shaduh 9.5 klur ngut. Ka jingthied jong ki nongthied kiba dei ki dkhot jong ka Prime ka la kiew da ka 18 shah ha ki 24 kynta jong ka PEA (ban ïa kaba ju long man la ka sngi), bad kaba pynlong ïa ka kum ka jingthied kaba heh tam!
Ha kaba da ki hajar ki nongdie ki la lah ban die jingdie bun tam ha ka shisngi, ka dei shisha ka jingsdang kaba biang tam jong kane ka aïom lehkmen. Palat 5,000 tylli ki tiar ki tar ba la pynmih thymmai ha ki bynta bapher bapher ba kynthup naduh ki Smartphone, Laptop, TV, ki jaiñ ki nep, ki jingpynitynnad ïing, ki tiar ba pyndonkam man la ka sngi ha ïing, ki jingbuh jingsat kum ki miej ki shuki, bad ki mar bam, bad kiba la wanrah shisha sha ki nongthied ban ïohba kin jied na ki tiar ki tar kiba pawnam.
Ka Amazon Great Indian Festival 2023 ka la ïoh ïa ka jingmih ki nongthied kiba la don haduh 9.5 klur ngut ha ki 48 kynta ki banyngkong, ha kaba bun bha na ki dkhot jong ka Prime kiba thied jingthied. Kumba 80 na ka shispah na ki nongthied kim dei na ki nongbah ba heh ne Metro Cities, bad palat10 ngut ki la ïoh ïa ki tiar ki tar tang ha ka shisngi. Kane ka lympung ka la sakhi haduh 35% ka jingkiew jong ki kamkhaïi pateng jong ki karkhana rit bad ki karkhana ba pdeng.
Ki Smartphone kiba paw ki kynthup ïa ka OnePlus, Samsung, bad Apple. La sakhi ba bun na ki briew ki la Sign Up ïa ka Amazon Pay UPI ha ki 48 kynta kiba nyngkong, ha kaba palat 35 klur ngut ki nong India ki la leh ruh ïa ka Instant Bank Discount.
U Manish Tiwary, Vice President & Country Manager, India Consumer Business, Amazon u ong, “Ka jingai khublei ka leit sha ki nongthied, ki kompani bad ki tnad Bank kiba la ïatehlok, ki nongdie bad kito kiba la ai jingshakri ban pynpoi ïa ki tiar ki tar, na ka bynta ka jingsdang kaba bha haduh katta katta sha ka Amazon Great Indian Festival 2023”.
