Shillong, Risaw:
Ka Toyota Kirloskar Motor (TKM) ka la ïasnohktilang bad ka shipai Indian Navy na ka bynta ka ‘Eastern Naval Fleet Drive – The Eastern Arc,’ kaba long ka sienjam treikam ba la pynlong da ka Eastern Command jong ka tnad shipai Indian Navy. Kane ka jingñiah ïa kine ki kali, kaba la neh haduh 12 sngi bad ïaid sha kylleng ki 17 tylli ki nongbah bad 6000 kilometer ha ka East Coast ne ki rud duriaw sha ka thaiñ Mihngi jong ka India, bad ka jingthmu jong kane ka long ban ïajan bad ki nongshong shnong bad kumjuh ruh ban pynsaphriang jingtip shaphang ka kamram bad ka bynta treikam jong ki shipai Indian Navy.
Ka TKM ka ai jingkyrshan ïa ka tnad shipai Indian Navy da kaba la ai hynñiew tylli ki kali, kynthup ruh ïa ki saw tylli ki kali Hilux bad lai tylli ki kali Fortuner, kiba la shna bad pyndait da ki tiar ki tar khnang ba kan lah ban ïaid ha ki lynti kiba jynjar bad kiba sha kyndong. Ïa kane ka jingñiah kali la phiah ha ki ar tylli ki kynhun, kawei ka kynhun ka ïaid Shatei bad kawei pat Shathie, baroh ar tylli ki kynhun ki sdang na Visakhapatnam bad ki la shim noh la ka jong ka lynti ban leit sha Kibithoo bad Kanyakumari, bad noh synñiang sha ka roi ka par ha ki shnong ki thaw
Ka jingjied ïa ki kali Toyota Hilux bad Fortuner na ka bynta kane ka kam ka pyni ïa ka jingpawnam jong kine ki kali ha ka liang ka jingbha, ka jingïaineh bad ka jinglah ban shaniah ne Quality, Durability, bad Reliability (QDR), bad kumjuh ruh ha kaba ïadei bad ka jinglah ban ïaid ha ki lynti ba eh bad ba jynjar. Kane ka jingïatehlok ka pynpaw ïa ka jingaiti lut jong ka Toyota ban pyntam shuh shuh ïa ka jingangnud, ym tang ba ka ai ïa ki kali kiba bha hynrei ban wanrah ruh ïa ka jingïatreilang bad ki nongshong shnong bad kyrshan ïa ki sienjam treikam ban ai jingmyntoi ïa ka imlang sahlang. Ryngkat lang bad ki shipai Indian Navy Together, ki pyni ruh ïa ka mynsiem jong ka “No land too far, no beach too hard” ne “Ym don ka jaka kaba jngai than, bad Ym don ka rud duriaw kaba eh than” ha ka jingïaid lynti jong ki, da ka jingïatylli ha ka rai ban trei radbah ban ai jingshakri sha ka ri bad sha ki briew.
Ka Amazon Great Indian Festival 2023 ka la wanrah ïa ka jingdie kaba heh bha ha ka sngi sdang
