Shillong, Risaw:
Ka Nehru Yuva Kendra Sangathan, Meghalaya ha ka jingïatreilang bad ka tnat Ïalehkai jong ka Sorkar Meghalaya ka la pynlong ïa ka jingïalang halor ka prokram Meri Mati Mera Desh mynta ka sngi ka 19 tarik Risaw, 2023 ha Conventional Hall, NEHU.
Ha kane ka prokram, u S.C Sadhu, IAS Secretary C&RD u la long kum u Kongsan bad ka Kong Isawanda Laloo, IAS Director jong ka tnat Ïalehkai jong ka Sorkar Meghalaya ka la ïadonlang kum ka Symbud Kongsan.
Ha kane ka jingïalang, u Kongsan u la aiti ïa ka Amrut Kalash sha u nongïalam jong ka kynhun ka ban pynpoi ïa ka khyndew sha Delhi ryngkat bad ki nongïashim bynta na ki block bapher-bapher jong ka jylla Meghalaya ha ka 25 tarik Risaw, 2023.
Kane ka long katkum ka kyrwoh na u Atul J. Nikam, State Director NYKS, Meghalaya.
