Tunis, Risaw 22 (UNI)
Ka Ri United States ka ïalam ïa ka thma pyrshah ïa ka Hamas bad kiwei pat ki kynhun ka Palestine ha Gaza Strip, la ong u Khaled Meshaal, uba dei u khlieh ka Political Bureau ka Hamas ba don shabar ri, ha ka Sngi U Blei.
“Ka America ka dei kaba ïalam ïa ka thma mynta bad ka thmu ban poi sha ka thong ban pynrem ïa ka Hamas. Ka US ka kyrshan ïa ka Israel bad ka pynbiang ïa ka da ki tiar siat,” la ong u Meshaal ha ka jingthoh ba la pyllait da ka Hamas ha ki rynsan ‘Social Media’. U la ong ruh ba ki “nongklun jaka” ki kwah ban pynduh syndon ïa ka Hamas bad kumjuh ruh ïa ka Gaza Strip bad kumjuh ruh ban pynduh ïa ka jingkyrshan jong ki paidbah na ka bynta ka jingïakhun jong ka Hamas.
