Pynthymmai ka Sengkhihlang ïa ki nongkitkam na bynta ka samoi treikam ba 3 snem

Shillong, Risaw 23

Ka Sengkhihlang ka la pynlong ïa ka General Meeting jong ka ha ka 21/10/2023 ha ka shlem treikam jong ka Seng Bah ki Nongshad Nongkhieñ ha Bañium, East Khasi Hills District.

Ha kane ka General meeting jong ka Sengkhihlang la wan ban ïashim bynta da ki Secretary/President/Langdoh Niam bad  ki dkhot jong ki tnad Seng Khasi bad Seiñ Raij bapher bapher. Ha kane ka jingïalang u General Secretary u la pule ïa ka kaiphod kyllum (General Report) jong ka Sengkhihlang,  bad la ïoh ban ïa pule ïa ka jingïoh bad ka jinglut jong ka Sengkhihlang.

Kumta hadien ka kaiphod kyllum la ïoh ban pynthymmai ïa ki nongkitkam jong ka Sengkhihlang na ka bynta ka samoi treikam ba lai snem, namar ba ka Executive ba mynta ka la poi noh sha kaba kut ka samoi treikam. Kane ka Executive bathymmai kan treikam naduh u snem 2023 haduh u 2025.

Kane ka jingjied ïa ki nongkitkam bathymmai jong ka Sengkhihlang la pynïaid da u Chairman ba shipor uba dei u President ka Seng Bah ki Nongshad Nongkheiñ bad u Langdoh Niam ka Seiñ Raij Mukhla kum u nongbuh ïa ki jingthoh.

Kumta ki paidbah ba wan sha kane ka jingïalang ki la jied biang ïa u Rgh. H. Robin Kurbah ba un long biang kum u President ka Sengkhihlang na ka bynta ka samoi treikam ba lai snem, ïa ka kam General Secretary ki paidbah da kawei ka jingmut ki la jied biang ïa u Rgh. Mario Biam ba un shimti biang ïa ka kam ka Sengkhihlang, bad la jied ruh ïa u Rgh. Moses Lyngdoh, Rgh. Marshan Lyngdoh Mawphlang kum ki Vice President ka Sengkhihlang, la jied ruh ïa u Rgh. Welcome Kurbah, Rgh. Heipormi Lyngdoh kum ki Asst. General Secretary ka Sengkhihlang, la jied ruh ïa ka Kong Santina Lyngdoh Mawlong kum ka Treasurer, la jied ïa u Rgh. Standbyme Sari kum u Publicity Secretary ka Sengkhihlang bad la jied ruh ïa Rgh. Hamar Kharmar kum u Secretary jong ka Art & Culture bad ïa u Rgh. Tiplem Sumer kum u Chairman jong ka Art & Culture jong ka Sengkhihlang, la jied ruh ïa ka Auditor jong ka Sengkhihlang da u Rgh. Wanbha Lyngdoh bad ka Kong Mira Dkhar.

Ha kajuh ka por bad ha kane ka sngi la ïoh ruh ban jied ïa ki Executive Members jong ka Sengkhihlang na ki tnad Seng Khasi bad Seiñ Raij bapher bapher. Nalor kane, ka Sengkhihlang ka la pynbna ruh ba ka tnad Seng Khasi bad Seiñ Raij bapher bapher ka pyntip ba ka Lympung ba 34 jong ka Sengkhihlang kan long ha ka Seiñ Raij Wahïajer ha ka 19,20,21 tarik, Ïaïong, 2024.

Kane ka long katkum u kyrwoh na u Rgh. S. Sari Publicity Secretary ka Sengkhihlang