Shillong, Risaw 23
U Myntri ka tnat Rel ka Sorkar Pdeng, u Ashwini Vaishnaw u la ong sa ar tylli ki rel Vande Bharat shen kin sa poi sha ka Thaiñ Shatei Lam Mihngi (North East), bad u la bynrap ba yn sa don ruh ki rel Vande Bharat ki ban sa poi sha Shillong bad Tripura.
Une u Myntri ka Sorkar Pdeng u la pynbna ïa kane dang shen haba u leit sha Jammu & Kashmir.
U Ashwini u la ong ba mynshwa kin don tang saw jur ki rel kiba leit sha Tripura, mynta ki la don 17 jur kiba leit shatai.
U la ong ba ïa ka rel ilektrik ha Tripura ruh yn sa pyndep noh ha u Lber 2024, bad sa ar tylli ki rel Vande Bharat kin sa poi sha Shathei Lam Mihngi ha kaba sha Shillong bad Tripura ki rel Vande Bharat kin sa ïaid.
Shuh shuh u Ashwini Vaishnaw u la ong ba ha ki 9 snem, ki Jylla ha Shathei Lam Mihngi bad Jammu & Kashmir ki la ïohi ki jingkylla shibun eh, ha kaba u Myntri Rangbahduh ka ri, u la leit jngoh ïa ka Shathei Lam Mihngi la palat 60 sien kham palat ban ïa kiwei pat kiba kham hashwa jong u.
Ha ka liang ka lynti rel, bun bha kiwei ki projek kam pynroi, ki la ïaid shaphrang ha kine ki thaiñ baroh ar tylli kata ha Jammu & Kashmir bad Thaiñ Shatei Lam Mihngi.
Ka tnat rel ka la mang pisa kaba shisien shisnem kumba T. 10,269 klur tang ïa ka Shatei Lam Mihngi, katba mynshwa tang kumba T. 2,122 klur bad ki lynti rel kiba dang tei ki la ïaid shaid shaid ha ki Jylla ha Shatei Lam Mihngi.
Kumta u la ong ba ka tnat rel ka dang trei na ka bynta ka jingkylla kaba long ha baroh ka Thaiñ Shatei Lam Mihngi.
