New Delhi, Risaw 24
Ka Hamas ka la pyllait noh ïa ki arngut ki kynthei kiba dei ki nongshong shnong ka Israel, bad kine ki long napdeng palat 200 ngut kiba la shah rahbor naduh ka 7 tarik Risaw ha ka por ba ki dkhot kane ka kynhun pyntriem ki la leit thombor ïa ka Israel.
“Ngi la rai ban pyllait ïa kitei ki arngut namar ka jingsngew briew bad namar kim don satia hapdeng ka met kaba koit ba khiah,” la ong u Abu Ubaida, uba long u nongaiktien ka shnat kieng atiar jong ka Hamas, ha Telegram.
Na ka liang ka shlem treikam u Myntri Rangbahduh ka Israel ka la pyllait khubor ha kaba ka la pynthikna ba kitei arngut ki kynthei, ka Nurit Cooper, 79 snem, bad ka Yocheved Lifshitz, 85 snem, la aiti sha ki shipai Israel bad la ïalam noh ïa ki mar-mar sha ki jaka ai jingsumar.
Lah ban kdew ba ka Israel ka la ther ïa ka Hamas naduh ka 7 tarik Risaw bad haduh mynta, palat 5,000 ngut ki la shah pynïap na ka jingther bom ïa ka Gaza Strip, la ong ka tnat ba dei peit ïa ka koit ka khiah ha Gaza.
