Shillong, Risaw 27
Ka Sorkar Jylla ka la pynïaid shakhmat ïa ka kam ban pyndap noh ïa ki jaka bathylli ban thung nonghikai ha ki skul Lower Primary bad Upper Primary. Ka ‘interview’ kan sa sdang naduh ka 15 tarik Naiwieng bad yn pyrshang ban pyndep noh ïa ki kam baroh shwa ka Khristmas.
U Myntri ka tnat Pule-Dangle u Rakkam A Sangma u la ong ba la dep pynbeit ban pynlong ïa ka ‘interview’ na ka bynta kito kiba la pyndep ïa ka MTET ka ban sa sdang naduh ka 15 tarik Naiwieng khnang ban thung kumba 1200 ngut ki nonghikai ha ki skul Lower Primary bad kumba 300 haduh 400 ngut ki nonghikai ha ki skul Upper Primary.
U la ong ba ka interview na ka bynta ban thung nonghikai ha ki skul Lower Primary kan sdang naduh ka 15 tarik Naiwieng bad yn pyrshang ban pyndep lut ïa baroh ki kam shwa ka Khristmas.
