Shillong, Risaw 29
U nongshad ha ka jingrwai “Mano-Mano” kaba ki paidbah ki ithuh kum u Michael Jackson Khasi kata u Bah Walter Kharkongor u la khlad noh na kane ka sla pyrthei mynta ka sngi ka 29 tarik Risaw, 2023 ha ïing sah lajong ha Mawlai Nonglum, Shillong bad ka jingleit on tep kan long lashai ka sngi ka 30 tarik Risaw, 2023 ha u Lum Jingtep ka Balang Catholic Umshorshor hajan Banalari.
U Bah Walter u dei uba la jop ha kiba bun bah ki jingïakob shad ha kylleng ka jylla. Une u rangbah u ju shah khot sngewbha ruh ha kiba bun ki jingïalang kiba heh ban pyni ïa ka sap shad kaba kyrpang.
U Bah Walter u la sdang ban shad ha ki snem 1990 eiei bad la bna ha ka rukom shad ban pyrthuh kum u Michael Jackson. Kumta dei ha ki snem 2004 u la lah ban pynmih ïa ka jingrwai (video) kaba ïa kyrteng “Mano-Mano”.
