Mih ki jingkylli ba maramot ïa ki surok Ri-lum Garo da ki ‘paver block’

Tura, Risaw 29

Ka sienjam ba dang shen jong ka tnad PWD ban shah pyndonkam da ki ‘paver block’ ha ka ban maramot ïa ki bynta ba la jot jong ki surok ha Ri-lum Garo ka la long ka mat jingïakren ha ryngkat ka jingbuh jingkylli – hato kine kin neh slem ban lah pynbeit ïa kane ka jingeh? Haba ki jingsngew ki la phiah halor ka jingpyndonkam ïa ki maw-it, ki sabut ki pyni ba ki surok ki la nang jot da ka jingpyndonkam ïa ki ‘paver block’ ha jaka jong kiba kham biang.      

Kum ban shu kdew hangne, la pyndonkam ïa ki ‘paver block’ ha ka ban maramot ïa ka surok NH – 51, surok AMPT, surok Garobadha – Dalu bad kane kam shym lam sha ka jingmanbha. Hynrei kaei kaba la jia ka long ba kane ka surok na ka jingkhia ki kali kiba pyndonkam ïa ka bynta ba la maramot, ka la nang pynsniew arshah.

“Ngim tip la ka dei ka lynti thurmur ka jingmaramot ne ka rukom long jong ka jingmaramot – ki jaka ba marjan ha kaba la pyndonkam ïa ki ‘paver block’ ka la wanrah ïa ka jingbym biang. Ha jaka ban pynbha ïa ka surok, ka la nang pynjulor pynban ïa ka,” la pynsngew u Peter Sangma, nongshong shnong ka Phulbari bad nongtrei mon sngewbha.

“Ka dei ka jingjop na bynta ka tnad bad u kontraktor. Hynrei na bynta jong ngi ka long ka bym itynnad. Ka tnad kumta ka donkam ban khmih bniah halor kaei kaba jia bad tang hadien ka jingpule bniah lyngba ka saïan ban shah pyndonkam ïa ki maw-it ha ka ban maramot ïa ki surok,” u la bynrap.

“Ki ‘paver block’ ki kham eh ban ïa ka surok; kaba mut ba ynda ka kali ka ïaid halor jong ki, ki ngam shapoh khyndew. Kane ka la pynlong ïa ki surok ban ym ïa biang bad thaw ruh ïa ki thliew ba buh jingma. Ha kano-kano ka jaka ba la pyndonkam ïa ki, ki jaka ba marjan ki thaw ïa ki thliew ba buh jingma kiba lah ruh ban pynjulor ïa ki kali,” la ong u Nazmul Hassan, u nongshong shnong ka Bhaitbari.

Hashuwa, ka jingpyndonkam ïa ki ‘paver block’ ha ka surok NH – 51 ka la wanrah ka jinglong-jingman kaba ima ha kaba ki don ruh ki jingorpait ha surok bad katto-katne ki bynta kiba buh jingma shaba palat na bynta ka leit ka wan.

Ka bynta hapdeng ka Asanang sha Waribok, WGH ka long ka nuksa. Hynrei wat la katta, la pyndonkam biang sa shisien ïa ki ‘paver block’ ban maramot, da kaba kdew ba imat u kontraktor ne ka tnad kam shym la sngewthuh na ka sabut.

Ha ka surok AMPT, la pyndonkam ïa ki maw-blok hajan baroh ka bynta hapdeng ka Rajabala sha Chibinang bad ka long ka bym itynnad.

Ka la don ka jingpyrshang ban kynjoh sha ka tnad PWD halor katei ka bynta, hynrei ym shym la ïoh.