Shillong, Risaw:
Ka Vodafone Idea, kawei na ki kompani ba paw nam ha ka jingpynïaid ïa ki IoT ha India, ka la ïatehlok bad ka C-DOT na ka bynta ban buh ïa ka IoT Lab kaba khampher. Kane ka lab, ïa kaba la sdang ha u bnai Nohprah 2022, ka la lah ban Test haduh palat 50 tylli ki tiar ki tar na ki karkhana bapher bapher, ba kynthup naduh ki tiar kali, ki tiar ba pyndonkam, ki BFSI, bad na ka bynta ki tiar ha ka liang ki Logistics. Ka Test bad ai ïa ka jingpynshisha halor ka jinglah ban pyntreikam ïa kine ki tiar ki tar da kaba leh ïa kawei ka M2M Standard, ïa kaba la pdiang kum kawei ka kyndon ha ka ri na ka bynta ban pynbit pynbiang ha ka liang ka IoT Solution ïa kaba la saiñdur da ka BIS. Kane ka lab ym tang ba ka pynshisha ïa ka jingtreikam ki tiar hynrei ka ïarap ruh ban batai ïa ka jinglah jong kine ki tiar na ka bynta ban pyndonkam lang ïa ki ha kiba bun ki liang.
Ka Vi Business, kaba long ka tnad pynïaid ïew jong ka Vodafone Idea, ka la dep ban pynmih ïa ki sienjam treikam ïa kaba la tip kum ka Lab-as-a-Service kaba lah ban Test haduh175 jait ki tiar ki tar jong ki karkhana kiba bun jait, kynthup ruh ïa ka AMI, Connected Car, POS, bad VTS. Kane ka lab ka lah ban Test ïa bun jait ki tiar ki tar ha ki bynta bapher bapher, kynthup naduh ka jingpyndonkam, SIM, ki Application, ki Firmware, bad kiweikiwei. Ka long kum ka kawei ka lympung jong ka IoT, kaba wanrah ïa ka jingpynsuk na ka bynta kito kiba ïadon bynta. Kat haduh mynta, la dep ban ai ïa ka jingpynshisha na ka bynta 5 tylli ki tiar bad la ong ba ki la long kiba biang ne “network ready,” bad ka lab ka la Test ruh ïa ki 5G bad ïa ki NBIOT. U Dr Rajkumar Upadhyay, CEO, C-DOT u ong “Nga sngewskhem ba kane ka jingïatehlok jong ka C-DOT bad Vi ryngkat bad ka Centre of Innovation (COI) na ka bynta ka IoT/M2M da ka C-DOT kan ai jingmyntoi na ka bynta ki karkhana ha India, khamtam ïa kito kiba dang shu sdang ïa ka kam thymmai ha ka liang ban shna bad pynmih ïa ki tiar ki tar bad kiba dang pyndonkam da ki tiar ki tar kiba pynmih na India bad kumjuh ruh ïa ki Applications”
