Shillong, Risaw 30
U Myntri Rangbah ka Jylla, Conrad K. Sangma, hynne ka sngi u la plie ïa ka ‘website’ jong ka Directorate of Sainik Welfare, ka Sorkar Jylla ha ka jingïalang ba 24 ka Rajya Sainik Board kaba la long ha Secretariat, Shillong. Ki mat ba la ïakren ha ka jingïalang ki kynthup ïa ka jingtyllun ki kam ki jam haba ïadei bad ka jingtei ïa ka Sainik Rest House ha Shillong, ban wanrah ïa ka Zila Sainik Board bad Sainik Rest House ha Tura, ka jingmang ïa ki Welfare Organizer Officer, ka song pisa sha ki nongïoh pdiang khusnam ‘Gallantry’, ka jingwanrah ïa ki nongtrei ba la pyntbit ha ka liang ‘Technical’, ban pynïeng ïa ki skul Sainik hapoh ka Jylla nalor kiwei-kiwei. Ha kane ka jingïalang, la ïadonlang ruh u nongïalam ka liang pyrshah, Bah Ronnie V. Lyngdoh bad Chief Secretary, Bah D. P. Wahlang.
