Shillong, Nohprah:
Ka Durex The Birds and Bees Talk (TBBT) ka sngewkmen ban ïoh ban long ka shnat ba ïatehlok ha ka liang ka koit ka khiah bad ka khuid ka suba ha ka lympung jong ka tamasa Hornbill Festival kaba 24, hadien ka jingjop jong ka jingïatehlok ha ki snem ba la dep. Kum ka shnat ba la ïatehlok ha ka liang ka koit ka khiah ha ka tamasa jong ka Hornbill Festival jong ka sien kaba, ka Durex TBBT ka la lah ban pynpaw ïa ka jingtreikam jong ka ha kaba ïadei bad ki nongshong shnong lyngba ki kolshor bad ki jingïalehkai, kaba la ktah bhai ïa ki million ngut ki briew.
U Tourism Director ka Nagaland, u Keduosieu Metha, u la ban jur shaphang ka bynta ba kongsan jong ka tamasa Hornbill Festival na ka bynta ban wanrah ïa ka jingsuk hapdeng ki nongshong shnong bapher bapher. U la ïatehlok bad ka TBBT ban nang pynkhlaiñ shuh shuh ïa ki jingmut ba skhem kum ka jingmynjur, ka jingïaryngkat, ka jingïada, ka jingkynthup lang ïa baroh salonsar, bad ka jingpynsaphriang jingtip khamtam hapdeng ki samla, da kaba thmu ban nang kham pynbha shuh shuh ïa ka jingmut jong ka tamasa bad pynlong ïa ka imlang sahlang kaba don ïa ka jingshemphang bad ka jingsngewthuh.
U Gaurav Jain, Executive Vice President, South Asia, Reckitt u la ban jur, “Kane ka jingïatehlok ka long kaba don jingmut bha namar ba ka ailad ïa ngi ba ngin ïoh ban ïadon bynta bad bun ki samla bad kumjuh ki samla lud ha ka thaiñ Shatei-lam-Mihngi, bad noh synñiang sha ka thong kaba ïar ban pynlong ïa ka lashai kaba koit ba khiah bad kaba ïaineh”.
Shuh shuh u Ravi Bhatnagar, Director, External Affairs bad Partnerships, SOA, Reckit u ong, “Ryngkat land bad ka Durex TBBT, ngi rakhe ym tang ïa kane ka tamasa jong ki tamasa ne Festival of Festivals hynrei ïa ka jingkyrpang jong ka kolshor, ka sap ka phong bad ban buh ïa ka koit ka khiah kum ka bynta ba kongsan tam ha ka jingïaid lynti jong ngi.”
