Shillong, K’Lyngkot 11
Ki heh nongïalam ka Trinamool Congress jong ka Umsning konstitwensi ha Ri-Bhoi ki la pynbna ba ki la iehnoh kam ha ka Sngi Palei.
Ha u kyrwoh khubor, la pynbna ba u President ka seng Trinamool Congress ka Umsning Block, u Bah Gilbert Nongrum, Secretary ka Trinamool Congress ka Umsning Block, u Bah Livingstone Barim, President ka Youth Wing Umsning Block, u Bah Shadbor Mylliem Umlong, bad ka President ka Mahila Umsning Block, ka Kong Bobby Khongsngi, ki la iehnoh kam naduh mynta ka sngi.
Lah ban kdew ba u Bah Gilbert u dei ruh u President ka Trinamool Congress jong ka Ri-Bhoi District baroh kawei.
Hynrei kitei kiba la iehnoh kam ki khlem kdew satia na kaei ka daw ba ki la iehnoh ïa katei ka seng saiñpyrthei.
