Shillong, K’Lyngkot 11
Kawei ka khynnah kaba dang 17 snem ka rta ka la shah rahbor ha uwei u Muslim uba dei na Assam.
Katkum ka tyllong khubor ba la ïoh lum, la ong ba kane ka khynnah ka dei na kawei ka shnong ba hap hapoh ka East Jaiñtia Hills. La ong ruh ba une u Muslim uba la rahbor ïa ka, u dei ba la tip kyrteng kum u Faruk Uddin na ka shnong Kalaiñ ha Cachar District, Assam.
Shuh shuh la ïoh jingtip ba na ka liang jong ki pulit ka East Jaiñtia Hills hadien ba ki la ïoh jingtip halor kane, ki la ïatreilang bad ki pulit ka Assam ban thwet bad kem ïa utei u briew hynrei haduh ba thoh ïa kane ka khubor ym pat lap dien satia.
La ïoh jingtip ruh ba kane ka khynnah kaba la shah rahbor, ka la ïoh lad ban phone sha ki bahaïing, ha kaba ka la ïam hynrei haba ki pulit ki la phone, na ka liang jong une u briew (Muslim) u la kren kob pynban.
La ong ba na ka liang jong ki dkhot ka KSU ruh na Barak Valley Assam ki la ïatrei shitom ban pynlong ka jingthwet ïa une u briew bad ban ïoh pyllait ïa katei ka khynnah.
