Shillong, Rymphang:
Ka Vi Business, kaba long ka tnad treikam jong ka Vi, ka kompani ai jingshakri kaba pawnam bha ha ki kam Telecom bad kawei na ki kompani kaba heh bha ha ka liang ka IoT ha India, ka la pyllait paidbah ïa ka Vi Business IoT Smart Central- kaba long ka jingshakri kaba biang bah ha ka lawei ban wan, kaba don nadong shadong, bad kaba long ruh ka rynsan kaba paka na ka bynta ka jingsumar ïa ka IoT Connectivity bad ïa ka tiar kaba phi bat. Kane ka rynsan jingshakri kaba thymmai kata ka Vi Business IoT Smart Central ka pynkup bor shuh shuh ïa ki shlem ai jingshakri ba kin lah ban tehlakam, ban buddien bad ban pynïaid ïa ki matti kiba ïadei bad ka IoT na kano kano ka jaka bad ha kano kano ka por.
Ka Vi Business IoT Smart Central ka wanrah ka jingtyrwa na ka bynta ban yn lah ban peit ïa ki matti kiba ïadei bad ka IoT, da kaba ïarap ba yn lah ban pynïaid ïa ki shlem ne ki jaka treikam na kano kano ka jaka bad tehlakam ruh ïa ka SIM Lifecycle ha ki karkhana ba bun jait kum ki karkhana kali ne Automobile, Banking, bad ki karkhana kiba ïadei bad kiwei kiwei ki jingdonkam.
Ka ai ruh ïa ka jingtip ha kajuh ka por kumba ka jia bad lah ruh ban pynbeit ïa ki jingeh kiba ïadei bad ka tiar ki tar kiba ïadei bad ka IoT, da kaba ïoh ruh ïa ki jingpyntip ha ka por kaba biang ban ïada ban lait na ka jingklet ban leh ïa kaba donkam na ka bynta ïa kino kino ki jingeh. Ka Vi Business IoT Smart Central ka wanrah ruh ïa ka jingtyrwa ïa ka rukom shna ïa ka bill ha ka rukom kaba biang bad wanrah ïa ka jingbuh ïa ka dor da kaba pyndonkam ia ka Analytics katkum ka juk ba mynta.
Da kaba batai bniah shaphang kane ka sienjam, U Amit Satpathy, EVP bad u Head IoT Business, Vodafone Idea u ong, “Ki Program kum ka Digital India, Make in India, bad ki sienjam treikam kum ka IoT Centre of Excellence (CoE) kan nang kyntiew shuh shuh ïa ka jingpynrung ïa ka IoT ha ka ri.”
Ka Vi Business IoT Smart Central ka wanrah ïa ka jingtyrwa na ka bynta ban nang pynbha shuh shuh ia ka jingbit jingbiang jong ki Technology, da kaba ailad ïa ki nongpyndonkam ba ki lah ban buddien ïa ka QRC, bad ïarap ban pynbiang ïa ki jingdonkam hapoh 48 kynta.
