Shillong, Rymphang 16
U Myntri Rangbah ka Jylla, u Conrad K Sangma u la ong ba ka jingplie ïa u motdur jong u Tirot Sing ha nongbah Dhaka ha Bangladesh ka dei ka sngi sahkynmaw bad ka jingsarong ïa ka Jylla.
U Conrad u la pynpaw ïa kane ha Ïingdorbar ha ka Sngi Thohdieng kaba dei ruh ka sngi plie ïa u motdur jong u Tirot Sing ha kaba u la pynpaw ka jingsngewnguh ïa u Myntri Rangbahduh ka ri, ka Myntri Rangbahduh ka ri Bangladesh, ka Sorkar Pdeng bad Sorkar Bangladesh, ka tnat Bar Ri bad nongrah ktien ka India sha Bangladesh nalor kiwei kiwei kiba la donbynta ban pynlong ïa kane. U Symbud Myntri Rangbah u Bah Sniawbhalang Dhar u la ïalam ïa ka kynhun na Meghalaya sha Dhaka ban plie ïa u motdur jong u Tirot Sing ha ka jingsynran lang u Myntri ka tnat Arts and Culture, Bah Paul Lyngdoh bad kiwei kiwei. U Conrad u la ong ba ka long ka dak jong ka jingkyrmen kum ka Jylla ba la lah ban plie ïa u motdur jong u Tirot Sing ha Dhaka.
