Shillong, Nailur 02
U Myntri Rangbah ka jylla, Conrad K Sangma, ha ka Lah Sngi U Blei u la pyntip paidbah ba u kaitor ba paw bha ha ka pyrthei u Bryan Adams un wan ïuhkjat ha ka nongbah Shillong na ka bynta ban pynbyrngia ïa ki paidbah lyngba ki jingrwai kiba shoh jingmut bad kiba pynïap-biej ïa ki nongsngap jong ka jylla Meghalaya.
Ïa kane, u Myntri Rangbah u la pynbna lyngba u kyrwoh khubor ba la pynmih paidbah lyngba ka YouTube jong u ïa kaba la ai kyrteng Conrad K Sangma.
U Conrad u la pyntip ruh ba u Bryan Adams un wan ha Jawaharlal Nehru Stadium, Polo, Shillong ha ka 10 tarik u Nohprah 2024. U la ong ruh kumba ka Meghalaya ka la bat ïa ka nam kum kata ka Rock Capital of Music, u ngeit skhem ruh ba kane ka tamasa kan long ka khana ban pynshisha ïa ka jingieid jingrwai jong ki nong Meghalaya. Nalor kane u la kyntu ruh ïa ki paidbah baroh ba kin ïa wan sha kane ka tamasa ban ïohsngew ïa ki jingrwai ba hun bad sngewtynnad jong u Bryan Adams.
