Shillong, Nailur:
U Air Marshal Inderpal Singh Walia ha ka Lah Sngi U Blei u la shimti kum u Senior Air Staff Officer (SASO) ha Headquarter ka tnad shipai liengsuiñ jong ka Eastern Air Command (EAC).
Ha shuwa ban shah thung kum u SASO, u Walai u la shakri kum u Senior Air Staff Officer jong ka Southern Air Command bad Training Command.
Ha ryngkat ka jingshakri hok ïa ka kam kaba kynthup ïa 3200 ki kynta her suiñ, u Walia u la pynher ïa kiba bun jait ki liengsuiñ ïakhun ba kynthup ïa baroh ki jait liengsuiñ jong ka MiG-21, MiG-23 BN, MiG-27, Jaguar bad ka Su-30 MKI.
U la long ruh u ‘Commander’ jong ka kynhun ki liengsuiñ ïakhun, ka Tactical & Combat Development Establishment (TACDE), bad ka ‘Base’ ba kongsan ha ka Central Sector.
Nalor ka jingtbit ha ka liang ka jingtreikam jong u, u Walai u la bat ruh ïa katto-katne ki kyrdan ba donkam ha ka Command bad Air Headquarter.
U Walia u la shakri ruh kum u Defence Attache sha Japan – ban kyntiew shuh-shuh ïa ka jingshemphang jong u ha ka liang ki kam bar-ri.
