Pynbna u DC ban pynrung kyrteng ïa ki Cyber Cafe bad ki CSC

Ïa ka jingpynrung kyrteng lah ban pyndap lyngba ka website http://www.megedistrict.gov.in.

Nongstoiñ, Nailur 17

U Deputy Commissioner (DC) jong ka West Khasi Hills District u Bah Garod LSN Dykes, IAS, u pynmih ïa ka jingpynbna kaba kongsan na ka bynta baroh ki nongpynïaid lane ki trai jong ki Cyber Cafe, bad ki Common Service Centre (CSC) hapoh ka district.

Katkum ka Meghalaya Cyber Cafe Rules, 2012, ba la pyntip hapoh ka Notification No. ITR 49/2011/61 jong ka 17 tarik u Nailur, 2012, baroh ki Cyber Cafe bad ki CSC kiba la don lypa ki dei ban pynrung kyrteng hapoh ka District Administration. Ka tarik ba khatduh ban pynrung kyrteng kan long ha ka 29 tarik u Naiwieng, 2024.

Ïa ka jingpynrung kyrteng lah ban pyndap lyngba ka website http://www.megedistrict.gov.in. Ka jingbym kohnguh ïa ki kyndon ban pynrung kyrteng ka lah ban wanrah ïa ka jingpynshitom katkum ki kyndon jong ka Information Technology Act, 2000.