Nongpoh, Nailur 19
Ha kawei ka jingjia ïatyngkhuh kali kaba shyrkhei ha ka Sngi Palei ha surokbah Guwahati-Shillong ha Khanapara marjan bad ka Ganesh Temple, kawei ka trok kaba don ïa u nombor AS-01-DD-7092 kaba kit ïa ki tiar kali jong ki saw shaka, kaba dang ïaid na Jorabat sha nongbah Guwahati, ka la leit ban kylla bad ban ïa kawei ka pat ka kali kaba dang wan na ka liang pyrshah.
Katkum ka tyllong khubor kaba la ïoh lum, la ïathuh ba katei ka jingjia ka la jia ha ka por kumba 2 baje eiei ha kaba katei ka trok ka la pynher sted kat haduh ba u nongñiah um lah shuh ban tehlakam ïa ka kali bad leit ban noh kylla sha shiliang jong ka surokbah bad ngat salit ïa kawei pat ka kali MG Gloster kaba don ïa u nombor AS-01-FZ-0030 kaba dang kiew na ka nongbah Guwahati ban leit sha Sonapur.
La ïoh jingtip ruh ba u nongñiah jong katei ka kali MG Gloster u la shu mynsaw malu-mala ha katei ka jingjia bad la pynkit noh ïa u sha ka jaka ai jingsumar ha nongbah Guwahati. Kane ka jingjia, ka la wanrah ruh ïa ka jingdheng kali kaba jur bha ha ka liang jong ka surok kaba kiew na ka nongbah Guwahati sha Shillong.
