Shillong, Nailur 20
Uwei u nongñiah kali u la ngat ha ka apot jong ka jingshah pyndih drok jubor ha ki ar ngut ki briew hadien ba ki la thombor ïa u ha ki bynta jong ka shnong Laitkseh kaba hap ha West Khasi Hills.
Katkum ka khubor kaba la ïoh na ki pulit la ong ba u Bah Shaphrangstar Marngar u la ujor sha ki pulit ba ha ka miet jong ka 12 tarik mynta u bnai, kata ha ka por kumba 9.30 eiei, ar ngut ki briew ki bym lah ban ithuh ki la shim wai ïa ka kali jong u.
Hynrei la ong ba hadien ba la poi ha ki bynta jong ka shnong Laitkseh, kine ar ngut ki briew ki la thombor ïa u bad ban byrngem-byrsit bad pynlong ïa u ban dih ïa u drok bym tip kyrteng haduh ba um tip briew shuh.
Shuh shuh la ong ba na ka liang jong une u nongujor ynda u la kyndit bynriew u la lap ba kitei ki briew ki la tuh ïa ka pisa kaba long T.3,000 na u.
Ha kaba ïadei bad kane, na ka liang jong ki pulit hadien ba ki la ïoh ka jingujor, ki la pynlong ka jingtohkit ban lap ïa ka jingshisha bad thwet ïa kita ar ngut ki briew.
