Jowai, Naiwieng 15
Ka ïingkashari jong Sessions Judge, West Jaiñtia Hills District, Jowai ka la rai pynrem ïa uwei u runar uba la tip kyrteng kum Dapbiang Lytep na ka shnong Thangthring da kaba set patok 6 snem bad yn bteng sa shisnem halor ki kam pyntieng-pynsmiej.
Ïa kane ka rai ka ïingkashari ka la pynbna ha ka 13 tarik Naiwieng.
Ka Kashari ka la shem ba u Dapbiang Lytep u dei uba donkti ha ka kam bymman hapoh ka kyndon aiñ 436 jong ka Indian Penal Code (IPC) kaba leh ïa ka kam bymman da kaba pyndonkam da ka ding.
Nalorkata, na ka bynta ka kam runar katkum ka kyndon 506 Part- I IPC kaba ïadei bad kam byrngem-byrsit u la shah rai pynrem biang ban set patok sa shisnem.
Katkum ka hukum jong ka ïingbishar, baroh ar tylli ki jingpynshitom katkum ka kyndon 436 bad 506 Part- I IPC kin ïaid lang ha kajuh ka por.
