Shillong, Nohprah 22
Uwei u samla ba la tip kyrteng kum u Pynshailang Malieh ba dang 18 snem ka rta, u la jah rngai khlem tip shano u leit ne don hadien ba u la mih na la ïing ha ka miet jong ka 21 tarik mynta u bnai.
Katkum ka khubor la ong ba une u samla u la mih na la ïing naduh ka por 8 baje mynstep na ïing sah lajong na ka shnong Upper Nongjri ha Ri Bhoi District. La ong ba ïa une u samla la don ba ïohi ha ka shnong Nongkya ha ïing ïap briew ha ka por 10 baje mynmiet ha ka 21 tarik, bad haduh mynta um pat wan phai sha la ïing. U samla Pynshailang u dei u khun jong ka Kong Kutimuni Malieh bad ha kane ka sngi ba u la mih na la ïing u la phong da ka paltlun rong dpei (grey) bad ka sweater rong ïong.
