Shillong, Nohprah 22
Kumba ar hajar tylli ki kor thep ‘vote’ lane Electronic Voting Machine (EVM) kiba thymmai kin sa wan poi ha u Kyllalyngkot ki ban sa pyndonkam ha ka ilekshon sha ka Ïingdorbar Khasi Hills Autonomous District Council (KHADC) bad Jaiñtia Hills Autonomous Distr- ict Council (JHADC).
Ka Sorkar Jylla lyngba ka tnat District Council Affairs ka la thied thymmai ïa ki EVM na ka kompani Electro- nics Corporation of India Limited (ECIL) kaba don ha nongbah Hyderabad.
Katkum ka tyllong khubor, la ong ba kine ki kor thep ‘vote’ kiba thymmai kin wan poi la kumno-kumno ha ka taïew ba-ar jong u Kyllalyngkot, 2025.
La ong ba ynda la wan poi kine ki EVM kiba thymmai kan sa don ka jingkhmih bniah na ka bynta ban pyndonkam ïa ki khamtam ban peit ïa ka jingïaid beit jong ki kor ki bor.
Ka jingthep ‘vote’ na ka bynta ka ilekshon sha ka Ïingdorbar KHADC bad JHADC kan long ha ka 21 tarik Rymphang 2025 bad ka jingñiew ‘vote’ kan long ha ka 24 tarik Rymphang 2025.
Ka samoi treikam ka KHADC bad JHADC kan kut ha ka 5 tarik Lber 2025.
