Imphal, K’Lyngkot 03 (UNI)
Kum shi bynta jong ka jingdawa ban weng mardor ïa ki bor ïada ka Sorkar Pdeng na jaka jong ka ‘Reserved Forest’ kaba ha Kangpokpi distrik, u paidbhur ha ka Sngi Thohdieng u la leit ban thombor ïa ka ophis Deputy Commissioner bad Superintendent of Police da kaba pyndonkam ïa ki tiar bad ki maw.
Ki runar ki la pynthut ruh ïa ka jinglong-jingman ba man ka sngi.
Ki la dawa ban weng mardor ïa ki shipai BSF bad pulit CRPF. Ha kajuh ka por, la ïohsngew ba kine ki runar ki la ïahylla ba ki dei na kawei pat ka jaka. Ka jinglong-jingman ka long kaba khluit bad ki bor pahara ki long kiba peitngor.
Naduh ka 24 tarik Nohprah jong u snem ba la dep, ki lehnoh Kuki ki la plie ïa ki ‘Camp’ ha ki jaka lum jong ka Uyok Ching, ka jaka ‘Reserved Forest’, ha Kangpokpi distrik bad hiar thma pyrshah ïa ki nongshong shnong ka Imphal East, kaba la ïalam sha ka jingmynsaw jong 3 ngut ki ‘riew paidbah ba kynthup ïa u nongthoh khubor bad u pulit.
Na ka liang ka BSF ka la pynlong ka jingkhynra ban weng ïa kitei ki ‘Camp’ ba la plie da ki lehnoh Kuki ha kaba ki shynrang bad kynthei Kuki ki la thombor ïa ki BSF ha kaba bun ngut ki shipai BSF ba kynthup ïa ki shipai kynthei ki la mynsaw.
Ki lehnoh Kuki ki la khang lynti ïa ka surokbah ‘National Highway’ hadien ba ki shipai BSF ki la weng noh ïa ki ‘Bunker’ jong ki lehnoh.
