La pynlong ïa ka jingïalang ‘Central Committee’ ka AICBEF ha Shillong

Shillong, Naiwieng 16 Ka ‘Central Committee Meeting’ kaba ar sngi jong ka All India Cooperative Bank Employees Federation (AICBEF) ka la long ha ka 14 bad 15 tarik Naiwieng ha Meghalaya Cooperative Apex Bank Ltd.,...

Shillong, Naiwieng 16

Ka ‘Central Committee Meeting’ kaba ar sngi jong ka All India Cooperative Bank Employees Federation (AICBEF) ka la long ha ka 14 bad 15 tarik Naiwieng ha Meghalaya Cooperative Apex Bank Ltd., Shillong, hapoh ka jingpynïaid u Com.  G. Vairappan.

Ïa kane ka jingialang la plie da u Com. C.H. Venkatachalam, u General Secretary ka AIBEA. U Bah Osmand E.J. U Nongbri, Managing Director ka Meghalaya Cooperative Apex Bank Ltd., u la long kum u Kongsan.

Haba ai jingkren ha ka jingïalang, u Com. Venkatachalam u la pynpaw ïa ki jingeh kiba ki ‘Cooperative Bank’ ki ïakynduh, kynthup ïa ka jingkiew jong ki NPA, ka jingbym biang ka pisa bad ki jingpyrkhing jong ki kyndon.

U Com. K.V.S. Ravi Kumar, General Secretary ka AICBEF, u la kyntu ïa ka Sorkar Pdeng bad ki Sorkar Jylla, RBI bad NABARD ban shim ïa ki lad ki lynti kiba kyrkieh ban pynkhlaiñ ïa kane ka tnad treikam.

Na ka liang ka komiti, ka la rai ban bud ïa ki jingdawa na ka bynta ka jingïarap pisa, ka jingpynbha ïa ka jingkyrshan ha ki kyndon, ki lad ‘digital banking’ bad ki jingpynkylla ha ka rukom treikam.

Ka la pyrshah ruh ïa ka jingpynïakhlad ïa ki DCCB bad ka la shim ruh ïa ki rai ban pan jingïarap pisa sha ka Arunachal Pradesh State Cooperative Apex Bank bad pyrshah ïa ka jingwanrah biang ïa ka rukom treikam jong ki jaka kynshew pisa ba lai bynta ha Kerala.

Na ka liang ka synjuk ka la ïaroh ïa ka Meghalaya Cooperative Apex Bank Employees Union kaba la pynlong ïa kane ka jingïalang bad ai khublei ruh ïa ka halor ka jingrakhe ïa ka Jubili Ksiar jong ka.