Shillong, Kyllalyngkot:
Ka Tata Communications kaba long ka nongïalam ha ka bor tekhnoliji ba ha khliehduh ha pyrthei, ka la wanrah ïa ki jingthmu kiba pynkylla ïa ka bording kaba khuid bad ka koit ka khiah ha nongrit Buripara Akilang bad Mandal Nokat lyngba ka Climate Resilient Village Programme.
Kane ka jingïalang ba ar sngi ka long shibynta ka jingpyrshang ka kompeni CSR, la ïohi ïa ki nongïalam bad Volunteer kiba ïatreilang ban pyntreikam ïa ka jingpynmih bording da ka sngi bad ki lad shet jingbam kiba khuid.
Ka prokram, “Beyond the Boardroom,” ka la pynlah ïa ki nongïalam ka Tata Communications ban ïoh ïa ka jingshemphang ba nyngkong eh shaphang ki jingeh ha ka thaiñ ha kaba ïadei bad ki jingdonkam ha ka bording bad ka koit ka khiah.
La buh ïa ki Solar Panel ha ki ïing ki sem, kiba ai bor ïa ki Light bad ki Fan, katba ki Light surok kiba pyndonkam da ka sngi ki pynmyntoi ïa ka ïaid ka ïeng.
Nalorkata, la bujli ïa ki Chulha tynrai da ki tnum shet kiba khuid, kaba la pynduna ïa ka jingpyndonkam ïa ki dieng thang da 50% bad kaba la pynbha ïa ka jingkoit jingkhiah ha ka liang ka jingring mynsiem.
Ka jingjop jong kane ka jingthmu ka pynpaw ïa ka jinglah ban shim ïa ki lad pynmih bor ding kiba khuid kum ha ki jaka sor ha Shillong. Da ki ïew kiba thymmai bad ka jingbun briew, ka jingpynïasoh lang ïa ki jingshai ba pyndonkam da ka bor sngi bad ki lad shet jingbam kiba pyndonkam ïa ka bording kam lah tang ban pynduna ïa ka jinglut ha ka bording hynrei ka lah ruh ban kyntiew ïa ki rukom treikam kiba lah ban pynneh pynsah ha kylleng ki sorbah ka jylla Meghalaya.
U Mukul Kumar, Vice President ka Tata Communications u la ong, “Ka jingpyrshang jong ngi ha Meghalaya ka pynskhem biang ïa ka jingangnud jong ngi ban thaw ïa ka lawei kaba neh da kaba pynrung ïa ka bording kaba khuid bad ki lad jingsumar ha ki shnong ki thaw.”
Ha ka jingïasnohkti lang bad ka UN Sustainable Development Goals, kane ka prokram ka la pynmtoi haduh plat 62,000 ngut ki mynsiem, kaba pyni ïa ka jingtreikam hok ka Tata Communications.
