Williamnagar, K’lyngkot 14
Kumba 11 tylli ki dukan ki la shah bam duh ha ka ding na ka jingthut jong ka bording ilektrik ha ka sor Williamnagar, East Garo Hills (WGH) ha ka step Sngi Ba-ar.
Katkum ki tyllong khubor na ki pulit, ka Police Control Room (PCR) ka la ïohpdiang ïa ka ‘phone call’ na ki paidbah nongshong shnong halor ka jingpluh ding, ha kaba hadien kane, ka kynhun na ka tnad pynlip ding (F&ES) ka la shimkhia mardor ïa kane ka jingjia.
Ïa kane ka ‘phone call’ la ïohpdiang ha ka por kumba 5:30 baje hynne ka step.
“Ïa ka ding la pynlip noh tang hapoh khyndiat kynta hadien ka jingïarap. Ym don kano-kano ka jingmynsaw ne jingïap na katei ka jingjia bad ka jinglum jingkheiñ ka dang ïaid mynta ban ïoh jingtip halor ki jingjulor”, la pyntip ki tyllong khubor na ki pulit.
Kane ka jingpluh ding ka la jia mar pyrshah bad ka Williamnagar Civil Hospital.
