Shillong, K’lyngkot 14
Uwei u rangbah u la shah thok pisa haduh palat lak tyngka haba u la pyrshang ban thied tiar lyngba ka ‘online’.
Katkum ka khubor kaba la ïoh na ki pulit la ong ba une u rangbah uba dei u nongshong shnong jong ka nongbah Shillong, u la ai ka jingujor ba ha ka 9 tarik mynta u bnai, u la shah thok pisa haduh T.1,03,100/- katba u dang pyrshang ban thied ‘online’ ïa ka ‘electronic drum set’ kaba la dep ban pyndonkam lyngba ka online music app kaba la tip kyrteng kum ka ‘Bajaao Connect App’.
Ha kaba ïadei bad kane, na ka liang ki pulit ki dang pynlong ka jingtohkit ban lap ïa ki jingshisha baroh halor kane.
