Hapoh Assembly ym pat lah ban kren ïa ka ktien Khasi sha Delhi lei shaei: Pala

Nongstoiñ, Naiwieng 18 Ka Indian National Congress ha ka sngi Balang ka la ïeng rynsan ban ïalap ilekshon ha sor Nongstoiñ, kum shi bynta ban pynkhreh ïa ka ilekshon MP shiteng samoi ka ban sa...

Nongstoiñ, Naiwieng 18

Ka Indian National Congress ha ka sngi Balang ka la ïeng rynsan ban ïalap ilekshon ha sor Nongstoiñ, kum shi bynta ban pynkhreh ïa ka ilekshon MP shiteng samoi ka ban sa long shen.

Ha kane ka sngi u Bah Vincent H. Pala, MP barim ka Jylla uba dei ruh u kyrtong ka Congress u la ïadon ha ryngkat lang u Bah Erick Khar-syntiew, President ka District Congress Com-mittee, Bah JTS Thongni MDC barim ka Rambrai Jyrngam bad kiwei-kiwei.

U Bah Vincent H. Pala uba dei ruh u President ka MPCC haba kren ha kane ka jingïalang u la ther tyngeh ïa ka Sorkar BJP kaba synshar ha Delhi da kaba u la kam ba ka la thaw ïa ki aiñ ka ban ktah ïa ka jingngeit Blei ki Khristan bad lada ki paidbah ki sngewthuh dei ban jied ïa ka Congress. U Bah Pala u la ong, “Ka don ka jingong ba ngi leit sha Delhi na ka bynta ban ïa ïoh kren ïa ka Khasi hynrei kumba long mynta nga ïohi ba wat hapoh Assembly ym pat lah ban ïakren ïa ka ktien Khasi, sha Delhi lei lei shaei yn ïakren da ka Khasi namar balei ka pyrkhat ka dei da kumwei ka jingkular da kumwei hynrei ka jingshisha ka dei da kumwei”.

U la ong ruh ba bun kiba ong ba u Bah Pala u khlem leh eiei ïa ka ktien Khasi hynrei ka jingbuh jingthoh hapoh Parliament bad da peit ïa ki jingbuh kynmaw, hangno-hangno ym ju don uba kren ïa ka ktien ban wanrah hapoh ka khyrnit kaba phra hynrei dei tang ha ka por kaba ma u, u long MP lyngba ka jingïatreilang bad u Fr. Sngi (bam kwai ha duwar U Blei) bad u Professor ha NEHU ha kato ka por u Dr. David Syiemlieh, dei ma ki kiba ïatreilang kiba ong ba lada ka ktien ka im ka jaidbynriew ka im.